Qazaqstan BAÁ-den Kaspıı qubyr konsortsıýmy úshin eki aılaq qondyrǵysyn satyp aldy
ASTANA. KAZINFORM — Kelisimshartta baǵasy 106 mln eýro dep kórsetilgen. Bul jóninde «QazMunaıGaz» ulttyq kompanııasy Tasymaldaý jáne logıstıka departamentiniń dırektory Erbolat Meńdibaev Májilis kýlýarynda málimdedi.
Onyń sózinshe, qazirgi geosaıası jaǵdaıǵa baılanysty shyǵarylatyn aılaq qondyrǵylaryn Novorossııskige jetkizýde qıyndyqtar týyndap otyr. Qosymsha qarajat qajet bolýy múmkin. Bul másele talqylanyp jatyr.
— Qondyrǵylardyń quny 106 mln eýro dep kórsetilip, qujatqa qol qoıylǵan. Biraq kelisimshart eki jyl buryn jasaldy. Sodan beri birqatar jaıt oryn alǵanyn ózderińiz bilesizder. Sondyqtan baǵasy ózgerýi múmkin, — dedi Meńdibaev.
Eske salaıyq, 5 sáýirde Novorossıısk portynda oqys oqıǵa bolǵan edi. Energetıka mınıstrligi Novorossıısk portyndaǵy jaǵdaıdy baqylaýda ustap otyrǵanyn jazǵanbyz.
