Qazaqstan azyq-túlik qaýipsizdiginiń jahandyq reıtınginde pozıtsııasyn 32-orynǵa deıin jaqsartty

NUR-SULTAN. QazAqparat – Qazaqstan azyq-túlik qaýipsizdiginiń jahandyq reıtınginde pozıtsııasyn 32-orynǵa deıin jaqsartty. Bul týraly QR Parlamenti palatalarynyń birlesken otyrysynda Premer-Mınıstr Asqar Mamın aıtty, dep habarlaıdy QazAqparat tilshisi.

«Negizgi 29 azyq-túlik taýary boıynsha azyq-túlik qaýipsizdigin qamtamasyz etý is-sharalarynyń aıasynda 59 joba, onyń ishinde 48 sút-taýarly ferma, 3 et kombınaty, 8 qus fabrıkasysalynyp, olar 220 myń tonnadan astam ónim óndirdi. Іri qara mal 5,6 paıyzǵa artyp 7,8 mln basqa jetti. Usaq mal, jylqy sany kóbeıdi», - dedi Premer-Mınıstr.

Úkimet basshysynyń dereginshe, byltyr 20,1 mln tonna astyq jáne burshaq dándi daqyl bastyryldy.

Astyq sapasy 80 paıyzǵa jaqsardy. Bul - sońǵy 5 jyldaǵy úzdik nátıje sanalady.

«Qazaqstan 2020 jyly Azyq-túlik qaýipsizdiginiń jahandyq reıtınginde óz pozıtsııasyn 113 eldiń arasynda 32-orynǵa deıin jaqsartty», - dedi Asqar Mamın.