Qazaqstan azyq-túlik qaýipsizdigi reıtınginde álemde 32-orynǵa kóterildi

NUR-SULTAN. QazAqparat – Qazaqstan The Economist jýrnalynyń azyq-túlik qaýipsizdigi reıtınginde álemde 32-orynǵa ıe boldy. Bul týraly halyqqa esep berý kezdesýinde QR Aýyl sharýashylyǵy mınıstri Saparhan Omarov aıtty, dep habarlaıdy QazAqparat tilshisi.

«Ótken jyldyń qorytyndysy boıynsha AÓK salasynda barlyq makrokórsetkishter boıynsha ósim bar. Aýyl sharýashylyǵynyń jalpy óniminiń kólemi 5,7 paıyzǵa ulǵaıyp, 6,3 trln teńgege jetti. Bul - Eýrazııalyq ekonomıkalyq odaq elderi arasyndaǵy eń úlken ósim. Sonymen qatar, Qazaqstanda azyq-túlik óndirisi 4 paıyzǵa ósti», - dedi mınıstr.

Saparhan Omarovtyń dereginshe, aýyl sharýashylyǵynyń negizgi kapıtalyna salynǵan ınvestıtsııalar aǵyny 15, tamaq ónimderi óndirisine salynǵan ınvestıtsııa 13,5 paıyzǵa ulǵaıdy. Nátıjesinde, AÓK ınvestıtsııalarynyń jalpy kólemi jospardaǵydan 154,2 mlrd teńgege asyp, 677,2 mlrd teńgeni qurady.

«AÓK óndirisiniń ósim kólemi qaıta óńdelgen aýyl sharýashylyǵy ónimderi eksportynyń ulǵaıýymen naqtylandy. Ol 2019 jylmen salystyrǵanda 22 paıyzǵa ósip, 1,3 mlrd AQSh dollaryn qurady. AÓK salasynda júrgizilip jatqan saıasattyń tıimdiligin brıtandyq The Economist jýrnaly ótkizetin Azyq-túlik qaýipsizdiginiń jahandyq reıtıngi de rastady. Onda Qazaqstan 2020 jyldyń qorytyndysy boıynsha 16 pozıtsııaǵa kóterilip, álemniń 113 eliniń arasynan 32-orynǵa ıe boldy», - dedi Saparhan Omarov.