Qazaqstan azyq-túlik ımportyna táýeldiligin 15 paıyzǵa qysqartty
«Qabyldanǵan is-sharalardyń arqasynda agroónerkásiptik keshende osy jyldyń 11 aıynyń qorytyndysynda negizgi kapıtalǵa ınvestıtsııalar 40,5 paıyzǵa artty. Іshki naryqtyń azyq-túlikpen qamtamasyz etilýi 85 paıyz boldy. Al eksport kólemi 2020 jyldyń 9 aıymen salystyrǵanda 14,3 paıyzǵa ósti. Bul kórsetkishterge aýa raıynyń qolaısyzdyǵyna baılanysty bıyl eginniń azaıýyna qaramastan qol jetkizildi», - dedi Úkimet basshysy.
Onyń dereginshe, «Báıterek» holdıngi jelisi boıynsha agroónerkásiptik keshenniń ınvestıtsııalyq jobalaryna bıyl 63 mlrd teńge bólindi. Jalpy holdıng aýyl sharýashylyǵy salasyn qarjylandyrýǵa osy jyly shamamen 400 mlrd teńge jumsady.
«Bıyl barlyq óńirlerde ınvestıtsııalyq jobalardy iske asyrý boıynsha oń dınamıka tirkelip otyr. Agroónerkásiptik 266 ınvestjoba iske asyryldy. Jalpy somasy - 239 mlrd teńge. Onyń ishinde 36 taýarlyq-sút fermasy, 27 joba ósimdik sharýashylyǵy ónimderin óńdeý boıynsha, 6 et kombınaty men 13 qus fabrıkasy bar. Osy jobalardy ise asyrý esebinen ımportqa táýeldilik jylyna 15 paıyzǵa azaıdy. Sút ónimderi boıynsha otandyq óndiris 51,4 paıyzdan 70 paıyzǵa deıin ulǵaıdy. Shujyq ónimderi boıynsha jylyna 60,5 paıyzdan 70 paıyzǵa deıin, al qus eti boıynsha 58-den 75 paıyzǵa ósti. Otandyq almamen qamtamasyz etý 73 paıyzdan 80 paıyzǵa deıin, qant óndirisi 31,1 paıyzdan 60 paıyzǵa deıin artty. Al balyq ósirý kólemi 4 myń tonnaǵa kóbeıdi. ıAǵnı, jylyna 30 paıyzǵa ósti. Bul qarqyndy tómendetpeı osy jyly jáne aldaǵy jyldarǵa josparlanǵan jobalardy ýaqyty iske asyrýdy qamtamasyz etý mańyzdy», - dedi Asqar Mamın.
