Qazaqstan Azııanyń mádenı murasyn qorǵaý alıansynda baqylaýshy memleket mártebesine ıe boldy
ASTANA. KAZINFORM — Qytaı Halyq Respýblıkasynyń Hanchjoý qalasynda Azııanyń mádenı murasyn qorǵaý alıansy keńesiniń IV otyrysy ótti.
Jıynǵa 20-dan astam memlekettiń mádenıet salasyna jaýapty vedomstvo basshylary, Mádenı qundylyqtardy saqtaý jáne qalpyna keltirý jónindegi halyqaralyq zertteý ortalyǵynyń (IKKROM) jáne Qaqtyǵys aımaqtaryndaǵy murany qorǵaý jónindegi halyqaralyq alıanstyń (ALIPH) ókilderi qatysty. Qazaqstan atynan Mádenıet jáne aqparat vıtse-mınıstri Aıbek Sydyqov sóz sóıledi.
Vıtse-mınıstr Qazaqstannyń ıÝNESKO-men ortaq jumysy týraly aıtyp, Alıanspen yntymaqtastyqty úsh baǵytta damytýdy usyndy. Olar: mamandar daıarlaý jáne tájirıbe almasý, tsıfrlyq tehnologııalar men jasandy ıntellekt kómegimen eskertkishterdi qashyqtan baqylaý, sondaı-aq Uly Jibek joly boıyndaǵy nysandarda birlesken arheologııalyq jáne ǵylymı zertteýler júrgizý.
Otyrys qorytyndysy boıynsha Qazaqstanǵa Alıanstyń baqylaýshy memleketi mártebesi berildi. Vıtse-mınıstr qoldaý bildirgen Keńes múshelerine alǵys aıtyp, bul mártebe Azııa elderimen ortaq mádenı murany saqtaý baǵytyndaǵy baılanysty keńeıtýge múmkindik beretinin atap ótti.
Sapar barysynda Aıbek Sydyqov Alıanstyń atqarýshy bas hatshysy Se Bınmen de kezdesti.
Taraptar aldaǵy jumystyń baǵyttaryn talqylady. Se Bın Qazaqstannyń Alıansqa qosylý týraly sheshimin joǵary baǵalady. Sondaı-aq yntymaqtastyq odan ári nyǵaıa túsip, aldaǵy ýaqytta Qazaqstannyń uıymǵa tolyqqandy múshe bolatynyna senim bildirdi. Ol Qytaı men Qazaqstan arasyndaǵy aıryqsha mádenı baılanys seriktestikti damytýǵa negiz bolatynyn atap ótti.
Qazaqstan delegatsııasy IV Lıanchjý forýmynyń ashylýyna da qatysty. Forýmǵa ıÝNESKO, IKKROM, ALIPH jáne Ibero-Amerıka memleketteriniń bilim, ǵylym jáne mádenıet jónindegi uıymynyń ókilderi jınaldy.
