Qazaqstan Azııadaǵy senimdi strategııalyq áriptesi - Koreıamen dostyq qarym-qatynasty joǵary baǵalaıdy
Búgin Aqordada birqatar shetel Elshisinen senim gramotasyn qabyldaǵan Elbasy Nursultan Nazarbaev osylaı dedi. «Qazaqstan Azııadaǵy senimdi strategııalyq áriptesi - Koreıa Respýblıkasymen dostyq qarym-qatynasty joǵary baǵalaıdy. Bizdiń yntymaqtastyǵymyz bıik deńgeıge kóterildi. Koreıa Respýblıkasynyń Prezıdenti Pak Hyn Ke Astanaǵa ótken jyly memlekettik saparmen keldi. Sol kezde biz yntymaqtastyqty jalǵastyrýǵa ózara múddeli ekenimizdi qýattadyq», - dedi QR Prezıdenti. Memleket basshysynyń atap ótýinshe, Qazaqstan ekonomıkasyna salynǵan koreıa ınvestıtsııasy jalpy tórt mlrd. dollardan asqan. Koreıa kompanııalarynyń qatysýymen birikken jıyrma tórt joba ise asyrylýda. «Astana men Seýldiń kóptegen halyqaralyq máseleler jóninde oılary bir ekenin aıtqym keledi. Saýda-ekonomıkalyq, gýmanıtarlyq jáne basqa salalardaǵy ekijaqty yntymaqtastyqty keńeıtý halyqtarǵa paıda ákeletindigine senimdimin», - dedi Elbasy.
