Qazaqstan Azııadaǵy eń baqytty elder úshtigine kirdi
ASTANA. KAZINFORM — 2025 jylǵy Dúnıejúzilik baqyt týraly esepke (World Happiness Report) sáıkes, Azııada qyzyqty ózgeris baıqalady: Ońtústik-Shyǵys Azııa elderi óz oryndaryn nyǵaıtyp jatsa, Qazaqstan óńirdegi eń baqytty úsh eldiń qataryna endi, dep jazady TEMPO.CO.
Qazaqstan Azııa boıynsha úshinshi oryndy ıelenip, baqyt deńgeıi joǵary elder qatarynan berik oryn aldy. Bul kórsetkishter áleýmettik qoldaý, tańdaý erkindigi jáne sybaılas jemqorlyqty qabyldaý deńgeıi sııaqty krıterııler boıynsha joǵary baǵalandy. Bul Qazaqstanda ómir súrý sapasy men ekonomıkalyq damý qatar júrip jatqanyn kórsetedi.
2025 jylǵy Azııadaǵy eń baqytty elder reıtıngi
1. Taıvan
2. Sıngapýr
3. Qazaqstan
4. Vetnam
5. Taıland
6. Japonııa
7. Fılıppın
8. Ońtústik Koreıa
9. Malaızııa
10. Qytaı
Ońtústik-Shyǵys Azııada baqyt deńgeıi artyp keledi
• Sıngapýr azdap tómendegenimen (2-oryn), joǵary ómir súrý deńgeıi men tıimdi memlekettik basqarýymen áli de aldyńǵy qatarda.
• Vetnam pen Taıland – aımaqtaǵy berik mádenı baılanys pen ortaqtyq sezimi saqtalǵan elder.
• Hanoı, Hoshımın jáne Bangkok sııaqty qalalar turǵyndardyń oń kózqarasyna úlken áser etedi.
• Fılıppın men Malaızııa da turaqty áleýmettik jáne mádenı qundylyqtarymen úzdik ondyqqa endi.
Al Japonııa men Ońtústik Koreıa reıtıngte áli bar, biraq oryndary tómendegen. Buǵan sebep retinde — qoǵamda darashyldyqtyń artýy, birge tamaqtaný dástúriniń sıreýi jáne adamdar arasyndaǵy qarym-qatynastyń álsireýi aıtylǵan.
Eske sala keteıik, naýryz aıynda TMD ishinde Qazaqstan eń baqytty el retinde tanylǵan bolatyn.