Qazaqstan Azııa Para oıyndarynda taǵy bes medal jeńip aldy
ASTANA. KAZINFORM — Aıchı-Nagoıada (Japonııa) ótip jatqan Azııa Para oıyndarynda Qazaqstan quramasynyń qorjyny taǵy birneshe júldemen tolyqty.
Janbota Amanjol J2 sanatynda 95 keli salmaqta kúmis júldege ıe boldy.
Sadaq atýdan erler arasynda Nurshat Tóleýqasym W1 sanatynda Taıland sportshysy Sýphavat Samýtchaııakıdjdi 6:2 esebimen jeńip, qola medal qanjyǵasyna baılady.
ıAdro serpýden F36 sanatynda Dastan Muqashbekov pen Ivan Zeleznıak el namysyn qorǵady. Dastan 15.47 metr nátıjemen kúmis, Ivan 12.71 kórsetkishimen qola medal aldy.
Para ústel tennısinen Marat Sýrtýbaev pen Altynaı Erjanqyzy qola medal jeńip aldy.
Aralas juptyq synda XD20 klasy boıynsha ótken jartylaı fınaldyq kezdesýde qazaqstandyq sportshylar Gonkong ókilderi Lam ıAn ıÝ men Vong Hon Lamǵa 0:3 esebimen ese jiberdi. Kezdesýdiń úsh seti 7:11, 4:11 jáne 8:11 esebimen aıaqtaldy.
Osylaısha, ulttyq qurama qorjynynda 41 medal bar: 10 — altyn, 12 — kúmis, 19 — qola.
