Qazaqstan Azııa Para oıyndarynda alǵash ret para sadaq atýdan kúmis medal enshiledi
ASTANA. KAZINFORM — Erler arasyndaǵy W1 klasy boıynsha juptyq synda qazaqstandyq sportshylar Temirlan Seıitqamal men Nurshat Tóleýqasym fınalda Qytaı quramasymen kezdesti.
Dene múmkindikteri shekteýli tulǵalarǵa arnalǵan sporttyq daıarlaý ortalyǵy baspasóz qyzmetiniń málimetinshe, sheshýshi básekede qarsylas komanda 6:0 esebimen jeńiske jetip, Qazaqstan sportshylary kúmis júldeger atandy.
Fınaldyq kezdesýdiń úsh seti 37:31, 35:32 jáne 37:35 esebimen Qytaı quramasynyń paıdasyna aıaqtaldy.
Buǵan deıin otandyq para veloshabandozdar Azııa oıyndarynda eki altyn jeńip alǵanyn jazǵanbyz.
