Qazaqstan Azııa oıyndarynyń medal kestesinde alǵashqy ondyqqa kirdi
Búgin Hanchjoýda ótip jatqan Azııa oıyndarynda Qazaqstan sportshylary jeti medal jeńip aldy. QazAqparat bul týraly Sports.kz portalyna silteme jasap habarlaıdy.
Búgingi jarysta Qazaqstan sportshylary bir altyn, úsh kúmis jáne úsh qola jeńip aldy.
Jalpy, 2023 jylǵy Azııa oıyndarynda otandyq sportshylar qorjynynda 68 medal bar: 9 altyn, 18 kúmis jáne 41 qola. Jalpykomandalyq medaldyq esepte Qazaqstan 10-shy orynda.
Qurlyq birinshiliginiń absolıýtti kóshbasshysy – Qytaı, onyń sportshylary 353 medal (187 altyn, 104 kúmis jáne 62 qola) jeńip alǵan.
Medal esebinde Japonııa 166 medalmen (47 altyn, 57 kúmis jáne 62 qola) ekinshi orynda.
Úshinshi orynda – Ońtústik Koreıa, onyń qorjynynda 169 medal (36 altyn, 49 kúmis jáne 84 qola) bar.
Postkeńestik elder arasynda Ózbekstan burynǵydaı kósh bastap tur, ol besinshi orynda (64 medal; 20 altyn, 18 kúmis jáne 26 qola).
Medal tiziminde Qazaqstannan tómen Qyrǵyzstan – 16-shy oryn (13 medal; 4-2-7), Tájikstan – 24-oryn (7 medal; 2-1-4) jáne Túrikmenstan – 29-oryn (5 medal; 0-1 -4) tur.
- Azııa oıyndarynyń medal kestesindegi úzdik 10 el:
1. Qytaı – 187-104-62 (353)
2. Japonııa - 47-57-62 (166)
3. Ońtústik Koreıa - 36-49-84 (169)
4. Úndistan - 22-34-39 (95)
5. Ózbekstan – 20-18-26 (64)
6. Taıvan - 17-16-25 (58)
7. Soltústik Koreıa - 11-18-10 (39)
8. Taıland - 10-14-30 (54)
9. Bahreın - 10-3-5 (18)
10. Qazaqstan - 9-18-41 (68).
