Qazaqstan Azııa oıyndarynda: jarys kúniniń qorytyndysy
ASTANA. KAZINFORM — 27 qyrkúıekte Aıchı jáne Nagoıada (Japonııa) ótip jatqan 2026 jylǵy Azııa oıyndarynda kezekti jarys kúni aıaqtaldy. Qazaqstan quramasy bes medal jeńip aldy: bir altyn, eki kúmis jáne eki qola.
Qazaqstan erler quramasy semserlesýden jeńis tuǵyrynyń eń bıik satysyna kóterildi. Rýslan Kýrbanov, Kırıll Prohodov, Erlik Sertaı jáne Vadım Sharlaımov komandalyq jarystyń fınalyna deıin jetip, sheshýshi kezeńde Ońtústik Koreıa quramasymen kezdesti. Tartysty báseke 43:42 esebimen Qazaqstannyń jeńisimen aıaqtaldy.
Jeńil atletıkadan Nora Djerýto kúmis medal ıelendi. 3000 metrge kedergiler arqyly júgirýdiń fınalynda Qazaqstan ókili 9 mınýt 06,82 sekýnd nátıje kórsetti. Bahreın sportshysy Vınfred ıAvı jeńiske jetse, úndistandyq Parýl Chaýdharı úshinshi oryn aldy.
Qazaqstan qorjynyna taǵy bir kúmis medaldi Aıanat Jumaǵalı saldy. Aýyr atletıkadan 77 kelige deıingi salmaq dárejesinde ol julqa kóterýde 109 kelini, serpe kóterýde 137 kelini eńserdi. Qossaıys qorytyndysy boıynsha 246 keli nátıje kórsetken qazaqstandyq sportshy ekinshi orynǵa ıe boldy.
Azııa oıyndarynyń qola júldegeri Erlan Tasmaǵambetov atandy. Batýttaǵy gımnastıkadan ótken sýperfınalda qazaqstandyq sportshy 54,69 upaı jınap, úshinshi orynǵa turaqtady.
Qazaqstanǵa taǵy bir qola medaldi Nargıza Bolatova men ıAsmın Tuıaqova syılady. Ártistik júzýden juptyq jarysta tehnıkalyq jáne erkin baǵdarlamalardyń qorytyndysy boıynsha qazaqstandyqtar 565,7326 upaı jınap, úshinshi oryn aldy.
Batýttaǵy gımnastıkadan áıelder arasyndaǵy jarysta Vıktorııa Býtolına sýperfınalǵa ótti. Qazaqstandyq sportshy 52,15 upaı jınap, tórtinshi orynǵa ıe boldy.
Bokstan Aıbek Oralbaı 90 keliden joǵary salmaqtaǵy jarystyń jartylaı fınalyna shyǵyp, Qazaqstanǵa keminde qola medaldi qamtamasyz etti. Shırek fınalda ol Qyrǵyzstan ókili Myrzakır Koshalıevten basym tústi.
Sý dobynan Qazaqstan erler quramasy týrnırdegi alǵashqy jeńisine qol jetkizdi. Jarystyń alǵashqy kezdesýinde Japonııadan jeńilgen komanda Gonkong quramasyn 29:15 esebimen utty.
Aıta keteıik, marafondyq qashyqtyqtaǵy sporttyq júriste qazaqstandyq ıAsmına Toqsanbaeva máre syzyǵyn birinshi bolyp kesip ótti. Alaıda keıin onyń aıaq kıiminiń World Athletics uıymy belgilegen talaptarǵa sáıkestigine qatysty narazylyq týdy. Qazir bul máseleni Halyqaralyq jeńil atletıka federatsııasy qarastyryp jatyr. Sonyń qorytyndysy boıynsha sheshim shyǵarylady.
Osylaısha, qazirgi ýaqytta Qazaqstan quramasynyń enshisinde 40 medal bar: 9 altyn, 10 kúmis jáne 21 qola. ıAsmına Toqsanbaevanyń nátıjesi ázirge jalpy medal sanyna engizilgen joq. Jalpy komandalyq esepte Qazaqstan besinshi orynda tur.
