Qazaqstan Azııa oıyndarynda taǵy 3 qola medal aldy

Qazaqstan quramasy Hanchjoýda ótip jatqan Azııa oıyndarynyń kezekti jarys kúninde júlde jınaýdy jalǵastyrýda. QazAqparat bul týraly olympic.kz-ke silteme jasap habarlaıdy. 

Atap aıtqanda, búgin jaǵajaı voleıbolynan erler quramasy men taekvondo quramasynyń ókilderi Jansel Denız (67 keliden joǵary) ben Smaıyl Dúısebaı (80 keliden joǵary) birinen soń biri jeńis tuǵyrynyń úshinshi satysyna kóterildi. Jaǵajaıshylar úshinshi oryn úshin kezdesýde Irandy 2:0 esebimen utty.

Taekvondoshylar jartylaı fınalǵa ótip, ókinishe qaraı onda jeńilis tapty. Alaıda, 1/2 fınalǵa shyǵý olar úshin qola júldege kepildik berdi.

Eske salaıyq, búgin Ásem Orynbaı men Edýard Eşenko stend atýdan aralas juptyq saıysta altyn medal alǵan bolatyn.  

Sondaı-aq 10 metr qashyqtyqtan jyljymaly nysanaǵa oq atý saıysynda Zýhara Irnazarova chempıon atandy.

Al semserlesýden erler quramasyna qola medal buıyrdy.