Qazaqstan Azııa oıyndarynda medaldar kestesinde úzdik úshtikke kóterildi
ASTANA. KAZINFORM — Japonııanyń Aıchı-Nagoıa aımaǵynda ótip jatqan XX jazǵy Azııa oıyndarynda Qazaqstan quramasy 6 altyn, 1 kúmis, 2 qola medalmen jalpy komandalyq esepte tórtinshi orynda tur.
Búgin el quramasy qorjynyna 2 altyn, 2 qola júlde tústi. Dástúrli aralas jekpe-jekten Erkinǵalı Búrkitalın (77 keli), Qadyrbek Shynbaev (71 keli) altyn alsa, karateden Bella Samasheva (55 keli) men Nurqanat Ájiqanov (75 keli) qola júldeger boldy.
Jarystyń alǵashqy kúni, 20 qyrkúıekte tasjoldaǵy velosporttan Rınata Sultanova men Alekseı Lýtsenko, karateshi Jolaman Bıǵabyl (55 keli) men Sofııa Berýltseva (68 keli) Azııa oıyndarynyń chempıony atandy.
Al 21 qyrkúıekte el quramasynan karateshi Ásel Qanaı (61 keli) kúmis alsa, Sanjar Ádilov (65 keli) erejesiz jekpe-jekten qola júldeni qorjynǵa saldy.
Dál qazir jalpy komandalyq esepte 42 (27 altyn, 10 kúmis, 5 qola) kósh basynda keledi. Odan keıingi oryndardaǵy Japonııanyń 33 (8-12-13), Ońtústik Koreıanyń 24 (5-4-15) medali bar.
Qazaqstan Azııa oıyndaryna 1994 jyldan bastap qatysyp keledi. 1994-2022 jyl aralyǵynda el sportshylary 8jazǵy Azıadada óner kórsetip, barlyǵy 637 medal (165 altyn, 180 kúmis jáne 292 qola ıelendi.
Nagoıadaǵy baıraqty básekede Qazaqstan ulttyq quramasynyń sapynan 558 sportshy baq synaıdy.
