Qazaqstan Azııa oıyndarynda medaldar kestesinde qaı orynda tur
NAGOıA. KAZINFORM - Japonııanyń Aıchı-Nagoıa aımaǵynda ótip jatqan XX jazǵy Azııa oıyndarynda Qazaqstan quramasy 4 altyn, 2 qola medalmen jalpy komandalyq esepte úshinshi orynda tur.
Otandastarymyz búgin, 20 qyrkúıekte el quramasy qorjynyna barlyǵy 6 medal saldy. Onyń ishinde 4-eýi altyn, 2-eýi qola.
Qazirge deıin el quramasynan tasjoldaǵy velosporttan Rınata Sultanova men Alekseı Lýtsenko altyn medal jeńip alsa, karateshi Jolaman Bıǵabyl da Azııa oıyndarynyń chempıony atandy.
Jalpy komandalyq esepte 20 medal (11 altyn, 6 kúmis, 3 qola) enshilegen Qytaı quramasy kósh basynda keledi. Odan keıingi orynda 19 júlde (6-6-7) alǵan Japonııa jaıǵasqan.
Alǵashqy ondyqta Ońtústik Koreıa, Taıland, Mıanma, Makao, Kýveıt, Indonezııa, Gonkong quramalary bar. Sondaı-aq Halyqaralyq Olımpıada komıtetine múshe elder qalǵan medaldy enshilegen.
Eske salaıyq, HX jazǵy Azııa oıyndary 2026 jyldyń 19 qyrkúıek pen 4 qazan aralyǵynda Japonııanyń Aıchı prefektýrasy men Nagoıa qalasynda ótedi, oıyndardyń urany — Imagine One Asia («Birtutas Azııany elestet»).
Qazaqstan Azııa oıyndaryna 1994 jyldan bastap qatysyp keledi. 1994-2022 jyl aralyǵynda el sportshylary 8jazǵy Azıadada óner kórsetip, barlyǵy 637 medal (165 altyn, 180 kúmis jáne 292 qola ıelendi.
Nagoıadaǵy baıraqty básekede Qazaqstan ulttyq quramasynyń sapynan 558 sportshy baq synaıdy.
