Qazaqstan Azııa qurlyǵynda eń úzdik komandalardyń biri - WKO Shınkıokýshınkaı halyqaralyq federatsııasynyń prezıdenti M. Kenjı
ASTANA. 22 maýsym. QazAqparat - Erteń Astanada «Dáýlet» sport kesheninde Shınkıokýshınkaı karateden eresekter arasynda XIV Azııa chempıonaty bastalady.
Birinshilikke Azııa men TMD-nyń 13 elinen kelgen sportshylar qatysady. Atalmysh dodaǵa karateniń tájirıbeli sheberleri men WKO halyqaralyq Shınkıokýshınkaı federatsııasynyń prezıdenti Mıdorı Kenjı de týrnırge qonaq retinde qatysady.
«Jarysqa kelgenime óte qýanyshtymyn. Azııa birinshiligine Japonııadan myqty degen 3 karateshi keldi. Atalmysh týrnır joǵary deńgeıde ótetinine senemin. Sonymen qatar sizderdi kelesi jyly Lıtvada karateden ótetin Álem kýboginiń syndaryna shaqyramyn. Qazaqstannyń sportshylary óte myqty. Bul elde óziniń Álem chempıony Dmıtrıı Moıseev bar. Byltyrǵy birinshilikte de asa úzdik karateshiler kózge tústi», - deıdi M. Kenjı shıhan.
Onyń aıtýynsha, Qazaqstan Azııa qurlyǵynda eń úzdik komandalardyń biri. Onyń qaýqary sońǵy jyldary kúrt joǵarylap, Azııa reıtıngisinde Japonııadan keıin ekinshi orynǵa ıe bolyp otyr.
Qazaqstannyń eńbek sińirgen jattyqtyrýshysy, QR Shınkkıokýshınkaı karate federatsııasynyń vıtse-prezıdenti, elimizdiń WKO uıymyndaǵy ókili Qaıyrtaı Sarmanovtyń aıtýynsha, týrnırdiń árbir qatysýshysyna estelik syılyqtar tabystalmaq. Al jeńimpazdar men júldegerlerge týrnır kýboktarymen, dıplom men medaldarmen marapattalady. Sonymen qatar kózge túsken karateshilerge «Jeńiske degen jigeri úshin», «Eń qysqa jekpe-jek úshin», «Úzdik tehnıkasy úshin» nagradalary tapsyrý kózdelýde.
«Týrnır Qazaqstanda alǵash ret ótkeli otyr. Qazaqstan bul dodada 18 júldeniń 12-sinde joǵary bıikterden kórinýge maqsat qoıyp otyr», - deıdi Q. Sarmanov.
Birinshilik 23-24 maýsymda Astanada «Dáýlet» sport kesheninde ótedi.
