Qazaqstan Azııa elderimen yqpaldastyqty tereńdetý bastamasyn qoldaıdy
ASTANA. KAZINFORM – Qazaqstan AÓІSShK aıasynda azııalyq eldermen yqpaldastyq pen yntymaqtastyqty tereńdetý bastamasyn belsendi qoldaıdy. Bul týraly AÓІSShK Іskerlik keńesiniń 7-otyrysynda Saýda jáne ıntegratsııa vıtse-mınıstri Qaırat Tórebaev aıtty.
«Saýda men halyqaralyq yntymaqtastyqty yntalandyrý úshin Qazaqstanda júzege asyrylyp jatqan birneshe negizgi bastamaǵa toqtalýǵa ruqsat etińizder. Biz kedendik ráchsimderdi ońtaılandyratyn, ónimdi tirkeý jáne sertıfıkattaý júıesin jeńildetetin, shekarany kesip etýdiń jyldam jáne ashyq protsesine septigin tıgizetin tsıfrlyq sheshimderdi engizip, damytyp jatyrmyz. Bul sharalar taýarlardyń eksporty men ımporty kezinde ýaqyt pen shyǵyndardy qysqartýǵa baǵyttalǵan», - dedi ol.
Vıtse-mınıstr sońǵy ýaqytta elimiz Azııany eýropamen, Taıaý Shyǵyspen jáne Reseımen qosatyn kólik-logıstıkalyq dálizderdi belsendi damytyp jatqanyn atap ótti.
«Bul baǵdarlar saýda aǵynynyń artýyna septigin tıgizedi jáne transqurlyqtyq saýdany júzege asyrý úshin turaqty kólik ınfraqurylymyn qamtamasyz etedi. Biz ónimdik ilgerletýge arnalǵan shyǵyndardy óteýdi, eksporttyq mámilelerdi saqtandyrýdy, sonymen óatar shetelderde marketıgtik alańdar qurýdy qamtıtyn eksporttaýshylardy qoldaýdyń qarjylyq jáne qarjylyq emes baǵdarlamalaryn damytamyz. Qazaqstan AÓІSShK aıasynda azııalyq eldermen yqpaldastyq pen yntymaqtastyqty tereńdetý bastamasyn belsendi qoldaıdy. Bul úshin AÓІSShK elderimen saýda ózara qarym-qatynasty, onyń ishinde taýarlar tizilimin ártaraptandyrý jáne kólemin keńeıtý, sondaı-aq qun qurý jahandyq tizbesin qalyptastyrý úshin múmkindikter izdeý joldary arqyly da jandandyrady. Ornatylǵan bıznes-seriktestik negizinde naqty ınvestıtsııalyq usynystar jasalatyn bolady», - dedi Qaırat Tórebaev.
2023 jyly AÓІSShK elderi Qazaqstan ekonomıkasyna 1,6 mlrd ınvestıtsııa quıdy. Aldaıda syrtqy faktorlar AÓІSShK elderimen saýda-sattyqqa teris áserin tıgizip otyr.
