Qazaqstan Azııa chempıonatynda 7 boksshyǵa «altyn» alady dep úmit artyp otyr

AMMAN. QazAqparat – Ammanda (Iordanııa) ótetin 2022 jylǵy Azııa chempıonatynyń jerebe taratý rásiminde ár salmaqta reıtıng boıynsha eń myqty degen boksshylar irikteldi jáne olardyń barlyǵy da jeńisten birden-bir úmitker bolyp sanalady. Bul týraly QazAqparat Sports.kz saıtyna silteme jasap habarlaıdy.

Qazaqstannyń erler quramasynda týrnırge qatysatyn 13 boksshynyń jeteýi óz salmaǵy boıynsha reıtıngte kósh bastap tur, ıaǵnı bul boksshylar «altynnan» basty úmitkerler degen sóz.

Salmaq dárejeleri boıynsha kósh bastap turǵan sportshylardyń tizimi: Sáken Bıbosynov (51 kg), Mahmut Sabyrhan (54 kg), Serik Temirjanov (57 kg), Samatáli Tóltaev (60 kg), Sanatáli Tóltaev (63,5 kg), Nurqanat Raıys (75 kg), Qamshybek Qońqabaev (+92 kg).