Qazaqstan Azııa chempıonatynda kúres túrlerinen bir altyn, 6 qola medal ıelendi
ASTANA. KAZINFORM — Qyrǵyzstanda kúres túrlerinen Azııa chempıonaty óz máresine jetip, Qazaqstan quramasy 9-oryndy ıelendi.
Qazaqstan qurlyqtyq týrnırde jeti medal jeńip aldy — bir altyn jáne alty qola. Elimizdegi jalǵyz altyndy 72 keli salmaq dárejesinde synǵa túsken grek-rım kúresiniń balýany Almatbek Amanbek ıelendi.
Medaldar sany boıynsha Iran 6 altyn, 6 kúmis, 6 qolamen kósh bastady. Ekinshi oryndy japondyq sportshylar ıelendi. Olardyń qorjynynda 15 medal (6-5-4) bar. Úzdik úshtikti 14 medalmen Qytaı túıindedi (5-1-8).
Sondaı-aq úzdik ondyqtyń qatarynda Qyrǵyzstan (12 medal), Úndistan (17 medal), Ózbekstan (11 medal), Mońǵolııa (8 medal) jáne Soltústik Koreıa (4 medal) bar.
Buǵan deıin Azııa chempıonatynda Azamat Dáýletbekov kúresten qola júlde alǵanyn jazǵan bolatynbyz.
