Qazaqstan ajyrasý jıiligi boıynsha 2-orynda degen aqparat jalǵan - Ulttyq statıstıka bıýrosy

ASTANA. KAZINFORM – Qazaqstan ajyrasý jıiligi boıynsha 2-orynda delingen aqparat jalǵan. Bul týraly Ulttyq statıstıka bıýrosynan málim etti.

«Qazaqstan ajyrasý jıiligi boıynsha 4,6 koeffıtsıentpen Maldıvtan keıingi ekinshi orynda tur», - delingen aqparat shyndyqqa janaspaıdy.

Aıta keterligi, jalǵan aqparattyń basty derekkózi - worldpopulationreview.com saıtyndaǵy maqala. 2022 jyldyń qorytyndysynda ajyrasý koeffıtsıenti 1 000 adamǵa shaqqanda 2,27-ni qurady. 2020 jáne 2021 jyldarmen (tıisinshe 2,56 jáne 2,54) salystyrǵanda koeffıtsıenttiń tómendeýi baıqalady. 2023 jyldyń qorytyndy derekteri sáýir aıynyń sońynda jarııalanady», - delingen vedomstvo taratqan aqparatta. 

Ulttyq statıstıka bıýrosy maqala avtoryna álemdik resýrsta qate derektiń taralǵany týraly hat jibergen. Sonymen qatar bıýro resmı derekkózderge súıenýdi, taratylǵan derekterdi qaıtadan tekserip alýdy ótinedi. 

Buǵan deıin ranking.kz saıtyna silteme jasap ajyrasý jıiligi boıynsha Qazaqstan Maldıv araldarynan keıingi orynda turǵanyn jazǵan edik.