Qazaqstan Ázerbaıjanǵa týrıster aǵyny boıynsha Ortalyq Azııa elderi arasynda kósh bastap tur
ASTANA. KAZINFORM – 2026 jyldyń qańtarynda Ázerbaıjanǵa 181 myńnan astam sheteldik azamat keldi, onyń ishinde Qazaqstannan kelýshiler sany aıtarlyqtaı ósti, dep habarlaıdy Kazinform menshikti tilshisi eldiń Memlekettik týrızm agenttigine silteme jasaı otyryp.
Osy kezeńde elge 181 637 sheteldik azamat keldi, bul 2025 jyldyń qańtarymen salystyrǵanda 8 984 adamǵa nemese 5%-ǵa kóp. Ortalyq Azııadan, birinshi kezekte Qazaqstan men Ózbekstannan týrısterdiń kóbeıýi erekshe baıqaldy.
Qazaqstannan kelýshiler sany 5 676 adamǵa jetti, bul ótken jylmen salystyrǵanda 2,5%-ǵa kóp, bul Ázerbaıjanǵa týrıstik jáne iskerlik baǵyt retinde qyzyǵýshylyqtyń saqtalýyn rastap otyr. Bul rette Ózbekstannan kelgen týrıster aǵyny 5 130 adamǵa – áserli 72,3%-ǵa ósti, bul aımaqtyń Ázerbaıjannyń halyqaralyq týrızmindegi ósip kele jatqan róli týraly kýálandyryp otyr.
Ósim tirkelgen basqa elder qatarynda Reseı (42 342 adam (+2%), Túrkııa (36 536 adam (+15,5%) jáne Iran (15 399 adam (+2,1%) boldy. Úndistannan 9 070 adam, al Saýd Arabııasynan 8 976 adam keldi, bul ótken jylmen salystyrǵanda 44,9%-ǵa kóp. Eń úlken «ondyqqa» sondaı-aq Grýzııa (8 734), Pákistan (6 758) jáne Izraıl (4 972) kirdi.
2026 jyldan bastap Ázerbaıjan saıahatty yntalandyrý, el týraly habardarlyqty arttyrý jáne halyqaralyq týrızm naryǵyndaǵy ornyn nyǵaıtý úshin tsıfrlyq jáne dástúrli jarnamalyq arnalardy belsendirek paıdalanýdy josparlap otyr.
Osyǵan deıin sheteldik saıahatshylardyń Qazaqstanǵa qyzyǵýshylyǵy 3 ese artqanyn jazǵan bolatynbyz.