Qazaqstan Ázerbaıjanǵa qandaı ónimder eksporttaıdy
ASTANA. KAZINFORM — Qazaqstan-Ázerbaıjan bıznes forýmynda Saýda jáne ıntegratsııa vıtse-mınıstri Aıdar Ábildabekov elimiz Ázerbaıjanǵa qandaı taýarlar eksporttaıtynyn aıtty.
— 2024 jyly elderimiz arasyndaǵy taýar aınalymy 534 mln dollarǵa jetti. Onyń ishinde 485,3 mln dollardy Qazaqstan ónimderiniń eksporty, al 48,6 mln dollardy Ázerbaıjan ımporty qurady. Osy jyldyń qańtar-tamyzynda ózara saýda-sattyq kólemi 343,3 mln dollar boldy. Bul rette Qazaqstan ımporty 290,8 mln dollarǵa jetip, Ázerbaıjan eksporty 58 paıyzdan astamǵa artty, — dedi vıtse-mınıstr.
Onyń dereginshe, qazaq eksportyn negizinen astyq, munaı, munaı ónimderi, azyq-túlik taýarlary qurap otyr.
Al Ázerbaıjannan alıýmınıı, metall qurylymdary, polımerler, alkogol ónimderi men jemis-jıdek jetkiziledi.
— Bul iskerlik belsendiliktiń artyp, kásipkerlerimiz arasyndaǵy senimniń artqanyn bildiredi. Ózara saýda áleýeti joǵary. Sondyqtan da búgin osy jerde júzdesip otyrmyz, — dedi Aıdar Ábildabekov.
Osydan buryn byltyr Ázerbaıjan arqyly qazaqstandyq munaıdy tasymaldaý 1,5 mln tonnaǵa jýyqtaǵany anyqtaldy.