Qazaqstan ázerbaıjandyq bankten zeınetaqy qarjysyn qaıtarý sharttaryn anyqtaıdy
«Daýys berý protsedýrasy taıaý ýaqytta ashylýy tıistigin atap ótkim keledi. Bul ázerbaıjandyq tarap ótkizetin ishki protsedýralarǵa, sotqa baılanysty. Úkimet te, Ulttyq bank te qaıta qurylymdaý táýelsiz qundy qaǵazdarǵa aıyrbas arqyly júrgizilýi tıistigin qoldaıdy. ıAǵnı, Qazaqstan Respýblıkasynda shyǵarylǵan qundy qaǵazǵa jáne soǵan sáıkes biz iriktep alǵan optsııa bolady. Bul Ázerbaıjannyń memlekettik qundy qaǵazdaryn, 5 protsenttik mólsherlememen 7 jylǵa alýdy kózdeıdi. Biz muny barynsha ońtaıly nusqa dep esepteımiz. Degenmen aqsha jaǵynan úsh nusqa birdeı», - dedi QR Ulttyq banki tóraǵasy Danııar Aqyshev Astana ekonomıkalyq forýmy aıasynda uıymdastyrylǵan brıfıng barysynda.
Esterińizge sala ketsek, Úkimet otyrysynda dál osy máselege qatysty QR Qarjy mınıstri Baqyt Sultanov Premer-Mınıstr Baqytjan Saǵyntaevqa esep bergen bolatyn.
«Bizdiń basty maqsatymyz jaǵymsyz saldarlardy meılinshe azaıtý jáne BJZQ salymshylarynyń múddesin qorǵaý, sonymen qatar 250 mln dollar somasyndaǵy negizgi qaryzdyń saqtalýyn qamtamasyz etý. Kelissózder barysyndaǵy bizdiń basty ustanymymyz osyndaı. 23 mamyrda Londonda ótken kezdesýde qaryzdy qaıta qurylymdaýdyń úsh nusqasy aıtyldy. Ázerbaıjan bankiniń 250 mln dollar somasyndaǵy mindettemelerin 5,125 protsenttik mólsherlememen 12 jyldyq merzimge 200 mln dollar bolatyn Ázerbaıjannyń memlekettik baǵaly qaǵazdaryna almastyrý. Ekinshi nusqa - 250 mln dollarǵa para-par 3,5 protsenttik mólsherlememen 15 jylǵa Ázerbaıjannyń memlekettik baǵaly qaǵazdaryna almastyrý. Úshinshi nusqa - osy banktiń 250 mln dollar turatyn jańa shyǵarylǵan oblıgatsııalaryn 3,5 protsenttik mólsherlememen 7 jylǵa alý. Barlyq nusqalardy taldaı otyryp, QR Ulttyq banki men Úkimeti ókilderinen quralǵan komıssııa Qazaqstan salymshylary úshin eń tıimdi nusqany tańdap alady», - dep atap ótken edi B. Sultanov.