Qazaqstan, Ázerbaıjan jáne Túrkııa volonterlik qozǵalysty damytýǵa kelisti
ASTANA. KAZINFORM — Qazaqstannyń Ázerbaıjandaǵy elshiliginde «Qazaqstan, Ázerbaıjan jáne Túrkııanyń damýyna áıel-volonterlerdiń qosqan úlesi» atty halyqaralyq forým ótti, dep habarlaıdy Kazinform agenttiginiń menshikti tilshisi.
Іs-sharany Qazaqstannyń Ázerbaıjandaǵy elshiligi men Bakýdegi halyqaralyq áıelder klýby birlesip uıymdastyrdy.
Forýmǵa tanymal qoǵam qaıratkerleri, kásipker áıelder, memlekettik organdardyń, úkimettik emes uıymdardyń jáne dıplomatııalyq korpýstyń ókilderi qatysty.
Qazaqstannyń Ázerbaıjandaǵy elshisi Álim Baıel forýmnyń Ázerbaıjan Respýblıkasynyń Táýelsizdik kúni men Volonterler jylyna oraı uıymdastyrylǵanyn aıtty.
Ol 2026 jyl BUU sheshimimen Turaqty damý jolyndaǵy halyqaralyq volonterler jyly bolyp jarııalanǵanyn atap ótti.
Bul bastamany Qasym-Jomart Toqaev usynǵan.
Álim Baıel qazirgi qazaq qoǵamyndaǵy volonterlik dástúrdiń bastaýy ejelgi «asar» uǵymymen baılanysty ekenin aıtty.
Ázerbaıjan parlamentiniń Otbasy, áıelder jáne balalar isteri komıtetiniń tóraǵasy Hıdjran Gýseınova eldegi áıelder belsendiliginiń qalyptasý tarıhy men áıelderdi qoldaý sharalary týraly baıandady.
Mexico eliniń Ázerbaıjandaǵy elshisi Marııa Vıktorııa Romero Kabalero forýmǵa qatysýshy memleketterdegi áıelder volonterligine qatysty bastamalardy qoldaıtynyn jetkizdi.
Túrkııa elshisiniń jubaıy Zóhre Akgıýn balalar arasyndaǵy aýtızmdi erte anyqtaýdyń mańyzy týraly baıandama jasady.
Ol erekshe qajettiligi bar balalarǵa qurdastarymen birge bilim alýǵa jaǵdaı jasaýdyń mańyzyn aıtyp, Túrkııa tájirıbesimen bólisti.
Forým barysynda Qazaqstan, Ázerbaıjan, Túrkııa, Moldova jáne AQSh ókilderi áıel-volonterlerdiń qoǵamdaǵy róli týraly baıandamalar jasady.
Ásemgúl Baıel, Astana ákimdigine qarasty Qyzmet kórsetý jáne týrızm kolledjiniń dırektory Saltanat Basyǵaraeva jáne «Astana Jastary» jastar resýrstyq ortalyǵynyń volonterlik qozǵalysty damytý departamentiniń jetekshisi Elvıra Esmuhanova Qazaqstandaǵy volonterlik qozǵalystyń tájirıbesi men jetistikteri týraly aıtty.
Aıten Shırınova, Sky Line Partners kompanııasynyń negizin qalaýshy, sondaı-aq Çeşme agromádenı damý kooperatıviniń tóraǵasy Ieshım Tıýzıýn ıÝksel áıelder volonterligin damytýdyń perspektıvalary men qıyndyqtaryna toqtaldy.
Forým qorytyndysynda qatysýshylar áıelderdiń azamattyq bastamalaryn qoldaý jáne túrki keńistiginde birlesken jobalardy júzege asyrý baǵytynda yntymaqtastyq ornatýǵa kelisti.
Іs-sharada Ázerbaıjan Respýblıkasynyń eńbek sińirgen ártisteri Ferǵana Gasymova, Gúlıanag Mammadova jáne Gúlıaz Mammadova óner kórsetti.
Sahnaǵa erekshe qajettiligi bar balalar da shyqty.
Baký qalasyndaǵy halyqaralyq áıelder klýby -1994 jyly qurylǵan úkimettik emes kommertsııalyq emes uıym.
Eske salsaq, sáýir aıynda Baku qalasynda dıplomatııalyq mıssııalar, jergilikti jáne sheteldik kompanııalar men volonterlerdiń qoldaýymen kóktemgi qaıyrymdylyq jármeńkesi ótken bolatyn.
