Qazaqstan, Ázerbaıjan jáne Qytaı birlesip jańa júk termınalyn salady
ASTANA.KAZINFORM - Qazaqstan, Ázerbaıjan jáne Qytaı BUU Klımattyń ózgerýi boıynsha Bakýdegi 29-konferentsııasy aıasynda Baký portynda jańa ıntermodaldy júk termınalyn salý boıynsha birlesken kásiporyn qurdy. Bul týraly Kazinform-nyń menshikti tilshisi habarlaıdy.
Kelisimge «Qazaqstan temir joly» AQ Basqarma tóraǵasy Nurlan Saýranbaev, «Baký halyqaralyq teńiz saýda porty» JAQ bas dırektory Taleh Zııadov jáne Sıan erkin saýda portynyń qurylysy jáne operatsııalyq kompanııasynyń bas dırektory ıÝan Sıaotszıýn qol qoıdy.
Joba aıasynda Alıat aýylyndaǵy Baký portynda 40 gektar aýmaqta ıntermodaldy júk termınalynyń ınfraqurylymyn qurý jáne damytý josparlandy.
Bul bastama Ázerbaıjan tarapynyń Alıat portynyń jer telimi, paıdalaný aılaqtary men termınal qondyrǵylary berilýiniń arqasynda múmkin boldy. Joba Transkaspıı halyqaralyq kólik baǵyty arqyly Qytaı – Eýropa - Qytaı baǵytynda konteınerlik poıyzdardyń kólemin ulǵaıtýǵa, jetkizý ýaqytyn qysqartýǵa, tasymaldaý shyǵyndaryn jáne qaıta tıeý ýaqytyn qysqartýǵa múmkindik beredi.
Baký halyqaralyq teńiz saýda porty aýmaǵynda jańa ıntermodaldy júk termınalynyń qurylysyn 2025 jyly aıaqtaý josparlanyp otyrǵany aıtyldy.
Buǵan deıin QazAqparat Grýzııa zamanaýı «Qurǵaq port» ıntermodaldy logıstıkalyq ortalyǵyn ashýdy josparlap otyrǵanyn jazǵan bolatyn.
Sondaı-aq búgin Prezıdent Qasym-Jomart Toqaev Dúnıejúzilik klımat sammıtine qatysý úshin Bakýdegi olımpıadalyq stadıonǵa bardy. Sosyn Memleket basshysy Bakýdegi Dúnıejúzilik klımat sammıtinde sóz sóıledi.