Qazaqstan, Ázerbaıjan, Túrkııa, Ózbekstan alǵash ret birlesken áskerı jattyǵý ótkizdi

ASTANA. QazAqparat - Túrkııa Respýblıkasy Qarýly kúshteriniń Arnaıy maqsattaǵy ortalyǵynda alǵash ret ótken arnaıy maqsattaǵy kúshterdiń «Shekarasyz baýyrlastyq – 1» birikken oqý-jattyǵýyna Ázerbaıjan, Qazaqstan, Túrkııa, Pákistan, Ózbekstan memleketterinen júzden astam áskerı qyzmetshi qatysty. Bul týraly QazAqparat Qorǵanys mınıstrligine silteme jasap habarlaıdy.

Qazaqstandyq áskerı qyzmetshiler operatsııany josparlaý, arnaıy barlaýdy uıymdastyrý, jaqyn urystar men qalalyq jaǵdaıdaǵy urys qımyldaryn júrgizý, ǵımaratqa shabýyl jasaý men obekt kúzetin joıý boıynsha taktıkalyq epızodtardy oryndaýǵa tartyldy.

Sonymen birge oqý-jattyǵý sheńberinde akýstıkalyq júıesi bar keshendi sımýlıatorlarda áskerı-medıtsınalyq daıyndyq sabaqtary ótkizildi. Urys alańynda alǵashqy medıtsınalyq járdem kórsetý men jaralylardy evakýatsııalaý kezindegi is-qımyldar pysyqtaldy.

Oqý-jattyǵý sheńberinde «Aerodınamıkalyq qubyr» trenajery men vırtýaldy baǵdarlamalyq keshenderde parashıýtshilerdi daıarlaý uıymdastyryldy.

Ótkizilgen manevrlerdiń negizgi maqsaty – gıbrıdtik qaýip-qaterler jaǵdaıynda seriktes elderdiń arnaıy maqsattaǵy bólimsheleriniń arnaıy operatsııalardy júrgizý kezindegi tájirıbesin bólisý.

Foto : gov.kz