Qazaqstan-Ázerbaıjan matchy: Fýtbolshylarymyz 2:0 esebimen alda keledi
ASTANA. QazAqparat - Osy ýaqytta elordadaǵy «Astana-arena» stadıonynda fýtboldan Qazaqstan men Ázerbaıjan quramalarynyń oıyny ótýde. Kezdesýdiń birinshi kezeńi aıaqtaldy. Qazaqstandyq fýtbolshylar qarsylastar qaqpasyna 2 dop soqty, esep - 2:0, dep habarlaıdy QazAqparat tilshisi.
Alǵashqy goldy shabýylshy Roman Murtazaev 13-mınýtta soqty. Araǵa eki mınýt salyp Serikjan Mýjıkov esepti 2:0-ge eseledi.
Esterińizge sala ketelik, bul - bolgar mamany Stanımır Stoılovtyń jetkishiligimen ótip jatqan úshinshi oıyn. Qazaqstan quramasy budan buryn syrt alańda Vengrııany 3:2 esebimen tize búktirip, Bolgarııaǵa 1:2 esebimen ese jiberip qoıǵan edi.
Ústimizdegi jyldyń qyrkúıek aıynda bastalatyn Ulttar lıgasynda bizdiń qurama 4 dıvızıonnyń birinshi tobynda Andorra, Grýzııa jáne Latvııa quramalarymen synǵa túsedi. Ázerbaıjan da osy dıvızıonda oıyn kórsetip, úshinshi topta Malta, Farer araldary jáne Kosovomen sheberlik baıqasady.
Ádiljan Úmbet
