Qazaqstan azamatynyń Tbılısıde kóz jumýy: Kúdikti 10 jylǵa sottalýy múmkin
NUR-SULTAN. QazAqparat – Grýzııa prokýratýrasy qazaqstandyq boıjetken qyzdy zorlaý jáne óz-ózine qol jumsaýǵa ıtermeleý isi boıynsha aıyptaý shyǵardy. Bul týraly Grýzııa prokýratýrasynyń saıtynda málim etildi, dep habarlaıdy QazAqparat tilshisi.
Habarlamada «kúdikti qyzdy zorlap, artynan óltiremin dep qorqytqan» delingen. Aýyr kúızeliske túsken azamatsha óz-ózine qol jumsaǵan.
Kúdikti 6 mamyrda ustaldy.
Sonymen qatar, habarlamada kúdiktiniń kánisi dáleldengen jaǵdaıda ony 8 jyldan 10 jylǵa deıin bas bostandyǵynan aırylýy múmkin ekendigi kórsetilgen.
Eske sala keteıik, 5 mamyrda Tbılısıdegi úılerdiń biriniń terezesiniń túbinen Qazaqstan azamatynyń denesi tabylǵan.
Budan buryn QR Syrtqy ister mınıstrligi Grýzııanyń quqyq qorǵaý organdaryna silteme jasap grýzııalyq polıtsııa óz-ózine qol jumsaýǵa ıtermeleý faktisi boıynsha qylmystyq is qozǵaǵanyn habarlaǵan.
Qyz 9-qabattan qulaý nátıjesinde qaıtys bolǵany habarlanǵan.
