Qazaqstan azamatynyń nemis kedeninde tárkilengen aqshasy qaıtaryldy
ASTANA. QazAqparat - Qazaqstannyń Germanııadaǵy Tótenshe jáne Ókiletti Elshisi Bolat Núsipov qazaqstandyqtardyń shetelde keıde keleńsiz jaǵdaılarǵa tap bolyp jatatyny týraly aıtyp berdi, dep habarlaıdy «QazAqparat» HAA tilshisi.
«Qazaqstandyqtardyń sheteldegi quqyǵy men bostandyǵynyń saqtalýyn qamtamasyz etý dıplomattardyń negizgi mindetteriniń biri bolyp tabylady. Qazaqstannyń Berlındegi, Frankfýrttegi, Bonne men Mıýnhendegi konsýldyq mekemeleri bul máselege óte jaýapty túrde qaraıdy. Konsýldyq tarapynan bizdiń otandastarymyzǵa quqyqtyq kómek kerek bolyp jatatyn kezder de bolady», - deıdi Bolat Núsipov.
Máselen, 2016 jyly QR SІM janyndaǵy Frankfýrtta ornalasqan Bas konsýldyq qazaqstandyq N. Rıshe esimdi azamatshaǵa naýqas kúıeýin Qazaqstanǵa jetkizýge kómektesken. Buǵan qosa konsýldyq tólqujat baqylaýyn júzege asyryp, arnaıy borttyń bólinýine septigin tıgizdi. Konsýldyq qyzmetkerleriniń aralysýymen nemis kedenshileri tárkilegen S. Álıevtiń operatsııaǵa dep aqshasy ıesine qaıtaryldy.
2017 jyly Bonnede konsýldyqtyń arqasynda qaıtys bolǵan qazaqstandyqtyń denesi Esseden Almatyǵa jetkizilgen. Bıyl Berlınde qaıǵyly jaǵdaıǵa baılanysty qaza bolǵan E.Ábdirahmanovtyń otbasyna kómek kórsetilgen.
«Jalpy 2016-2017 jyl aralyǵynda Qazaqstannyń jaýapty vedomstvolarynyń kelisimimen Elshilik 13 QR azamatynyń otanyna qaıtýyna kómek berdi», - deıdi Elshi.
