Qazaqstan azamatynan bir tonnadan astam marıhýana tárkilendi
ASTANA. 29 shilde. QazAqparat - «Kendir-2011» jedel-aldyn alý sharasyn ótkizý barysynda Kóliktegi ІІD Esirtki bıznesine qarsy kúres basqarmasynyń qyzmetkerleri Shý stansysynyń «Shý-Qumózek» ótkelindegi jabaıy qarasoranyń qalyń ósken jerinde Almaty oblysynyń 30 jasar turǵynyn ustady,
dep habarlady QR ІІM Esirtki bıznesine qarsy kúres komıteti.
Ustalǵan azamattan salmaǵy 1 tonna 185 keli bolatyn marıhýana tabyldy. Atalmysh fakti boıynsha qylmystyq is qozǵaldy.
Sonymen qatar, «Almaty-Qapshaǵaı» avtojolynyń 45-inshi shaqyrymynda Shoshqalysaı aýylynda Almaty oblystyq ІІD Esirtki bıznesine qarsy kúres basqarmasynyń qyzmetkerleri Taldyqorǵan qalasynyń 32 jasar turǵynyn ustady. Jeke tintý kezinde odan salmaǵy 16 keli 640 gramm bolatyn marıhýana esirtkisi tabyldy. Atalmysh fakti boıynsha qylmystyq is qozǵaldy.
