Qazaqstan azamaty Sankt-Beterbýrgte joǵary qabattan qulap mert boldy
ASTANA. QazAqparat - Qazaqstan azamaty Sankt-Peterbýrgtegi Prımor aýdanyndaǵy turǵyn úıdiń terezesinen qulap, mert boldy, dep habarlady «Fontanka» ınternet basylymy.
Oqıǵa keshe, 25 naýryz kúni boldy. Polıtsııa mert bolǵan azamattyń óliminiń sebebin anyqtaýda. Matros Jeleznıak kóshesiniń boıyndaǵy úıdiń janynan adamnyń denesi tabylǵandyǵy jóninde «Fontanka» basylymyna saǵat 14-25-te belgili boldy.
Tekserý sharalarynyń nátıjesinde mert bolǵan azamattyń 32 jasar Qazaqstan turǵyny ekenin anyqtaldy. Boljam boıynsha ol ózi jalǵa alyp turyp jatqan páterdiń 13-shi qabatynan qulap ketken. Kisi óliminiń naqty sebebin sot-medıtsınalyq saraptama mamandary anyqtaıdy. Tekserý sharalary jalǵasýda.
