Qazaqstan azamaty retinde referendýmǵa keldim – Altynbek Qorazbaev

ALMATY. QazAqparat – Qazaqstannyń halyq ártisi, kompozıtor, ánshi, Memlekettik syılyqtyń ıegeri Altynbek Qorazbaev Almatydaǵy №211 referendým ýchaskesine daýys berýge keldi, dep habarlaıdy QazAqparat tilshisi.

«Búgin ózin «men Qazaqstan Respýblıkasynyń azamatymyn» dep sanaıtyn azamattar referendým ýchaskesine kelip, daýys berip jatyr. Bul anaý-mynaý emes, ata zańymyzdyń baptaryn ózgertýi múmkin respýblıkalyq mańyzdy referendým. Sondyqtan, Qazaqstan azamaty retinde men osy referendýmǵa kelip turmyn», - dedi halyq ártisi.

Eske salaıyq, búgin elimizde Qazaqstan Respýblıkasynyń Konstıtýtsııasyna ózgertýler engizý boıynsha jalpyulttyq referendým ótip jatyr. Almatyda referendým ýchaskeleri tańǵy saǵat 06:00-de ashylyp, 07:00-de daýys berý bastaldy. Referendýmǵa qatysýǵa quqyǵy bar azamattar tiziminde 1 126 854 adam bar. Múmkindigi shekteýli azamattar úshin úıde daýys berý uıymdastyrylady.