Qazaqstan azamaty Reseıden úsh Kalashnıkov avtomatyn alyp ótýge árekettendi
ASTANA. QazAqparat - Qazaqstandyq shekarashylar Reseıden Qazaqstanǵa qarý men oq-dáriler alyp ótý áreketiniń jolyn kesti.
«Semeı» baqylaý-ótkizý beketiniń «Ýbe avto» ótkizý pýnktiniń jasaǵy qarý-jaraq pen oq-dárilerdi alyp júrý qujattarynsyz ótkizbek bolǵan 29 jastaǵy Qazaqstan azamatyn ustady, dep habarlaıdy QR UQK ShQ baspasóz qyzmeti.
Ustalǵan azamat Reseıden Qazaqstanǵa «Toıota» avtokóligimen ótpek boldy. Avtomobıldi tekserý barysynda júk bóliginen úsh dana «AK-74» avtomaty jáne 49 jaryq-dybystyq patrondar tabyldy.
Ustaý faktisi jóninde Shemonaıha aýdanynyń ІІB ókilderine habarlandy.
