Qazaqstan azamaty Reseıden tiri buǵyny alyp ótpek bolǵan
ASTANA. QazAqparat - 8 qarasha kúni Orynbor oblysy boıynsha Rosselhoznadzor basqarmasy orys-qazaq shekarasynda «Sagarchın-avtodorojnyı» baqylaý-ótkizý beketinde «Gazel» avtokóligimen Samaradan Aqtóbege tiri buǵyny alyp ótpek bolǵan qazaqstandyqty toqtatty, «Terra» teleradıokompanııasy.
Janýarǵa Kedendik odaqtyń veterınarııalyq sertıfıkaty bolǵan joq. Er adamnyń aıtýynsha, ol buǵyny samaralyq baılanys zoobaǵynan satyp alǵan. Kórsetilgen veterınarııalyq qujat pen anyqtamaǵa sáıkes, buǵy Samaraǵa Hanty Mansıısk avtonomdy ólkesinen ákelingen. ıAmal-Nenetsk avtonomdyq ólkesi túıneme aýrýyna baılanysty tótenshe jaǵdaı týyndaǵandyqtan, RF barsha aýmaǵynan Qazaqstan Respýblıkasyna tiri buǵylar alyp ótýge ýaqytsha shekteýler qoıylǵan. Tasymaldaýshy ákimshilik jaýapkershilikke tartyldy, al buǵy Samara oblystyq veterınarııa departamentine tapsyryldy.
