Qazaqstan azamaty Qyrǵyzstanda kóligimen ózenge qulap ketti
ASTANA. QazAqparat - Qyrǵyzstannyń Talas oblysynda Qazaqstan azamatynyń Lexus 330 markaly kóligi ózenge qulady. Bul týraly Qyrǵyzstan Respýblıkasy TJM-niń baspasóz qyzmetinen senbi kúni habarlandy, dep jazady QyrTAG.
Vedomstvonyń aqparatynsha, Talas oblysyndaǵy Bishkek-Talas-Taraz (Otmok asýy) kúre jolynyń 52-shi shaqyrymynda Lexus 330 markaly kólik ózenge qulady. Kólik Qazaqstan Respýblıkasynyń azamaty Rýslan Kádıevtiń atyna tirkelgen.
Qutqarý qyzmetiniń qyzmetkerleri zardap shekken azamatqa alǵashqy medıtsınalyq kómekti kórsetip, ony Talas aýdanyndaǵy Taldy Bulaq aýylynyń aýrýhanasyna jetkizdi.
