Qazaqstan azamaty elden zańsyz 116 700 AQSh dollaryn alyp ótpekshi boldy

Bul týraly búgin Almatyda ótken baspasóz máslıhatynda Almaty qalasy boıynsha Kedendik baqylaý departamentiniń bólim bastyǵy Almagúl Birlán málim etti.

Onyń aıtýynsha, 1974 jyly týylǵan azamat 15 jeltoqsanda «Almaty - Beıjiń» baǵytyndaǵy №887 áýe reısin tirkeý barysynda Almaty qalasy boıynsha Kedendik baqylaý departamentiniń qyzmetkerlerimen ustalǵan. «Tekserý barysynda keden organynda deklaratsııadan ótpegen 116 700 AQSh dollary somasyndaǵy shetel valıýtasy tabyldy. Qazir oǵan qatysty QR Qylmystyq kodeksiniń 209-b. 1-b. boıynsha (ekonomıkalyq kontrabanda) qylmystyq is qozǵaldy»,-dedi ol.

Baspasóz máslıhatynda sonymen qatar, Іshki qaýipsizdik basqarmasy kommertsııalyq qurylymdar arasynda zań buzýshylyqtardy anyqtaýda, dep atap ótildi.

«Jaqynda Departamenttiń Іshki qaýipsizdik basqarmasynyń qyzmetkerleri júkterdiń ýaqytsha saqtaý qoımalaryna tekserý júrgizdi. Sonyń barysynda, 13 - 14 jeltoqsan aralyǵynda túnde ýaqytsha saqtaý qoımalarynyń birinen keden organynyń ruqsatynsyz taýary bar vagon shyǵarylyp, temirjol tuıyǵyna ornalastyrylǵany anyqtaldy. Ýaqytsha saqtaý qoımasynyń qyzmetkerleri keden zańnamasynyń talaptaryn buzyp, zańsyz is -áreketterdi jasaǵandyǵy úshin «Ákimshilik quqyq buzýshylyq týraly» QR Kodeksiniń 417-baby boıynsha (Taýarlardy saqtaýǵa ornalastyrý tártibin, olardy saqtaý jáne olarmen operatsııa jasaý tártibin buzý )jaýapkershilikke tartylatyn bolady»,-deıdi A. Birlán.