Qazaqstan azamaty AQSh-ta qarý-jaraq kontrabandasy kúdigine ilindi
Onyń aıtýynsha, QR Syrtqy ister mınıstrligi AQSh Іshki qaýipsizdik mınıstrliginen boljamǵa sáıkes 1990 jyly dúnıege kelgen Qazaqstan azamaty men onyń sybaılasy Qyrǵyzstan azamatynyń ustalǵany týraly aqparat alǵan. Olarǵa zańsyz halyqaralyq saýda jasaý, Reseıge qarý-jaraqty kontrabandalaý, banktiń alaıaqtyq syndy aıyptar taǵylyp otyr. AQSh Prokýratýrasynyń, Ádilet mınıstrligi eksporttyq baqylaý qyzmetiniń jáne basqa da vedomstolarynyń habaryna sáıkes, kúdiktiler Sheshenstanǵa lıtsenzııasyz jiberý maqsatyna Vırdjınııa shtatynyń birqatar qalasynynyń qarý-jaraq satýshylarynan 100-den astam qarý satyp alǵan. Olardyń ishinde Glok tapanshasy men AK-47 avtomaty bar
«Kúdiktilerge 20 jylǵa bas bostandyǵynan aıyrylý qaýpi tónip tur. Qazirgi ýaqytta AQSh-taǵy qazaqstandyq dıplomattar Eldar Rezvanovtyń federaldy advokatymen únemi baılanysqa shyǵyp, AQSh Іshki qaýipsizdik mınıstrliginiń qyzmetkerlerimen tyǵyz jumys isteýde, ustalý mán-jaıyn anyqtaýda. Taıaý kúnderi Qazaqstan konsýly Vırdjınııa Shtaty Aleksandrııa qalasynyń ýaqytsha ustaý abaqtysyndaǵy ustalǵan azamatqa barady. Biz sonymen qatar ustalǵan adamnyń azamattyǵyn anyqtaý baǵytynda da jumys jasap jatyrmyz», - dedi Ánýar Jaınaqov.
