Qazaqstan azamaty AQSh ókilderine «Islam memleketi» uıymyna qoldaý kórsetkenin moıyndady

ASTANA. QazAqparat - Qazaqstan azamaty Ahror Saıdahmetov «Islam memleketi» terrorıstik uıymyna qoldaý kórsetý maqsatynda uıymdasý áreketine qatystylyǵy úshin ózin kináli dep aıyptady. Bul týraly AQSh-tyń Ádilet mınıstrliginiń baspasóz baıanynda jarııa etilgen, dep habarlaıdy Rıa Novostı.

Saıdahmetov (21 jasta) Nıý-Iorkte ómir súrgen. Ony arnaıy qyzmet ókilderine qoldaý kórsetkenine qaramastan keminde 15 jyl bas bostandyǵynan aıyrý jazasy kútip tur.

AQSh prokýrory Robert Keıpers aıyp taǵylyp otyrǵan azamattyń Sırııaǵa baryp, «Islam memleketi» uıymy jaǵynda soǵysýǵa umtylǵandyǵyn nemese AQSh aımaǵynda terrorıstik akt uıymdastyrmaq bolǵandyǵyn málim etti.

Aıypaýshy qujattarǵa qaraǵanda, 2014-2015 jyldary Saıdahmetov pen onyń sybaılasy, Ózbekstan azamaty Abdýrasýl Jýraboev birlesip, Sırııaǵa attanbaq bolǵan. Olar sátti tússe avtomat satyp alyp, polıtsııa qyzmetkerlerin jaıratyp salmaq bolǵan. 2015 jyly Saıdahmetov Nıý-Iorktegi Kennedı áýejaıynda qolǵa tústi. Ol Túrkııaǵa ushatyn ushaqqa otyrmaq bolǵan kezinde quryqtaldy. Osy is boıynsha taǵy bir azamattyń isi qaralýda. Ol ózbekstandyq Abror Habıbov. Oǵan terrorısterge qoldaý kórsetý úshin qarjy jınady degen aıyp taǵylyp otyr.