Qazaqstan azamattyq qoǵamdy damytý baǵytynda Eýropalyq Odaqpen dıalogqa barynsha ashyq - V. Bobrov
Bul týraly búgin «Qazaqstan Respýblıkasy - Eýropalyq Odaq» Parlamenttik yntymaqtastyq komıtetiniń 9-shy otyrysy barysynda Májilis Tóraǵasynyń orynbasary Vladımır Bobrov málim etti, dep habarlaıdy QazAqparat.
«Eýroodaq elderinde Qazaqstannyń saıası júıesin jáne qazaqstandyq azamattyq qoǵamdy damytý máselesi kóbirek aıtylady. Shynynda, biz eshqashanda qazirgi júıeni eń jetilgen dep eseptegen emespiz. Bul júıeniń ózi aýqymdy aýmaqty qamtyp jatqan memlekettegi asa aýyr úderisterdiń transformatsııasynyń nátıjesi. Altaıdan Atyraýǵa deıingi bul keńistikte saıası qurylym men ekonomıkalyq júıe ózgerip qana qoıǵan joq, sonymen birge Qazaqstan óziniń egemendigin nyǵaıtyp, azamattyq soǵysty boldyrmady, óz erkimen ıadrolyq qarýdan bas tartty. Sondyqtan da, biz osy másele tóńireginde kez-kelgen dıalogqa ashyqpyz», dedi V. Bobrov.
Sóz arasynda Májilis depýtaty qazaqstandyq taraptan da birqatar Eýroodaq elderindegi adam quqyqtarynyń saqtalýyna qatysty suraqtary bar ekendigin eske saldy. «Degenmen, meniń oıymsha bundaı ózekti taqyryp «QR-EO» Adam quqyqtary jónindegi dıalog aıasyndaǵy arnaıy áńgimege arqaý bola alady», dedi ol.
