Qazaqstan azamattyǵyn qaı memlekettiń adamdary kóp alady

ASTANA. QazAqparat – Bıyl 7 aıda 14 561 sheteldik Qazaqstan azamattyǵyn aldy. Bul týraly Іshki ister mınıstrliginen málim etti, dep habarlaıdy QazAqparat tilshisi.

«2022 jyly 22 114 adam, onyń ishinde 17 663 qandas Qazaqstan Respýblıkasynyń azamattyǵyn aldy. Málimetterge súıensek, byltyr Qazaqstan azamattyǵyn alǵandardyń ishinde kóbisin Ózbekstan – 14 353 (onyń ishinde 13166-sy etnıkalyq qazaq), Qytaı Halyq Respýblıkasynyń – 1 731 (onyń ishinde – 1725-i etnıkalyq qazaq), Reseıdiń – 1 436 (484-i etnıkalyq qazaq), Túrikmenstannyń -1 186 (onyń ishinde – 1176 etnıkalyq qazaq) jáne Qyrǵyzstannyń – 910 (onyń ishinde – 220-y etnıkalyq qazaq) azamattary quraıdy», - dep atap ótedi mınıstrlikten agenttiktiń resmı saýalyna bergen jaýabynda.

Vedomstvo dereginshe, 2023 jyldyń 7 aıynda 14 561 adam Qazaqstan azamattyǵyn aldy, onyń ishinde 11 142 qandas bar.

«Olardyń kóp bóligi Ózbekstan – 8 500 (onyń ishinde 7301-i etnıkalyq qazaq, Reseı – 2 133 (onyń ishinde 845-i etnıkalyq qazaq), Túrikmenstan -1 203 (onyń ishinde 1185-i etnıkalyq qazaq), Qytaı Halyq Respýblıksynyń – 1 064 (onyń ishinde 1 062-si etnıkalyq qazaq) jáne Qyrǵyzstan – 718 (onyń ishinde 535-i etnıkalyq qazaq) azamattary boldy», - dedi mınıstrlikten.