Qazaqstan azamattyǵyn alǵan oralmandar týý týraly kýálikterin qalpyna keltire alady
ASTANA. QazAqparat - Tarıhı otanyna qaıta oralǵan Qytaı Halyq Respýblıkasynyń burynǵy azamattarynyń aty-jónderi qujattarda qysqasha jazylǵan. Sebebi QHR ulttyq zańnamasyna sáıkes esimder úsh ıeroglıften ǵana turýy tıis. Bul týraly astana.kz saıtyna Astana qalasynyń Ádilet departamentiniń baspasóz qyzmetinen habarlady.
Bul másele byltyrǵy jyldan beri sheshimin tapty. Qazaqstan Respýblıkasynyń azamattyǵyn alǵannan keıin oralman óziniń turǵylyqty turatyn jerindegi azamattyq hal aktilerin tirkeý bólimine júginedi. Barlyq qajetti qujattardy AHAT organyna tapsyrǵannan keıin akti jazbalaryn Qazaqstanda qaıta qalpyna keltiredi, onda oralmannyń aty, ákesiniń aty, tegi jazylady. Qazaqstan Respýblıkasynyń «Neke (erli-zaıyptylyq) jáne otbasy týraly» Kodeksiniń 184-babynyń, 3-tarmaǵyna sáıkes, 2013 jyly Esil aýdandyq Ádilet basqarmasynyń AHAT bólimimen 17 oralmannyń týý týraly kýáligi qaıta qalpyna keltirildi.
