Qazaqstan azamattyǵynan shyqqysy keletinder sany 15 ese azaıǵan

Prezıdent janyndaǵy Azamattyq máseleler jónindegi komıssııanyń otyrysy ótti, dep habarlaıdy Kazinform Aqordanyń baspasóz qyzmetine silteme jasap. 

Memlekettik keńesshi Erlan Qarınniń tóraǵalyǵymen Qazaqstan Respýblıkasynyń Prezıdenti janyndaǵy Azamattyq máseleler jónindegi komıssııanyń kezekti otyrysy ótti.

Otyrysta azamattyq týraly birqatar másele qaraldy. Sonymen qatar, Komıssııa qyzmetiniń negizgi baǵyttary boıynsha Qazaqstan Respýblıkasy Prezıdentiniń quqyqtyq máseleler jónindegi kómekshisi Erjan Jıenbaevtyń, Іshki ister mınıstri Erjan Sádenovtiń jáne tıisti memlekettik organdar atqarǵan jumystar jaıyndaǵy ózge de laýazymdy tulǵalardyń esebi tyńdaldy.

Sonymen qatar, Komıssııa tóraǵasy Qazaqstan azamattyǵynan shyqqysy keletin tulǵalardyń sany sońǵy 4 jylda 15 esege tómendegenin aıtyp, muny oń úrdis retinde baǵalady. Naqty aıtqanda, 2019 jyly mundaı adamdardyń sany 1,7 myń, 2020 jyly – 0,9 myń bolsa, 2021 jyly – 123, al 2022 jyly – 114 adam bolǵan.

Komıssııa qorytyndysy boıynsha tıisti sheshimder qabyldanyp, naqty usynymdar ázirlendi.