Qazaqstan azamattyǵynan bas tartatyndar sanynyń azaıýy neni bildiredi

ASTANA. KAZINFORM – Qazaqstan Respýblıkasy Prezıdenti janyndaǵy Azamattyq máseleler jónindegi komıssııanyń otyrysy ótti. Oǵan Memlekettik keńesshi Erlan Qarın tóraǵalyq etti, dep habarlaıdy Aqordanyń baspasóz qyzmeti.

Jıynda Qazaqstan azamattyǵyna qabyldaý jáne odan shyǵarý máseleleri qaraldy.

Basqosýda Erlan Qarın sońǵy 5 jylda elimizdiń azamattyǵynan bas tartqan adamdardyń sany azaıyp kele jatqanyn jáne bul úrdis Qazaqstan azamattyǵy ınstıtýtynyń bedeli arta túskenin aıǵaqtaıtynyn atap ótti.

Mysaly, 2019 jyly 1,7 myń adam azamattyqtan bas tartsa, 2020 jyly – 944, 2021 jyly – 123, 2022 jyly – 114, 2023 jyly – 107, al 2024 jyldyń 10 aıynda 30 adam azamattyqtan shyqqan.

Osyǵan deıin Qazaqstan azamattyǵyn alatyndar qazaq tilin bilýge mindetti bolatyny týraly jazǵan edik.