Qazaqstan azamattyǵyn alýǵa qoıylatyn talaptar jańartyldy

ASTANA. KAZINFORM — Qazaqstan azamattyǵyn alýǵa úmitti adamdar memlekettik til (qazaq tili), Qazaqstan tarıhy jáne Konstıtýtsııany bilý deńgeıi boıynsha emtıhan tapsyrady.

— «Qazaqstan Respýblıkasynyń azamattyǵy týraly» zańǵa sáıkes, azamattyqqa qabyldaý nemese azamattyqty qalpyna keltirý týraly ótinish memlekettik tildi qarapaıym deńgeıde, Qazaqstan Respýblıkasynyń Konstıtýtsııasy negizderin, sondaı-aq Qazaqstan tarıhyn ýákiletti organ aıqyndaıtyn kólemde bilýi negizinde qabyldanady, — delingen qujatta.

Ǵylym jáne joǵary bilim mınıstrligi Qazaqstan azamattyǵyn alǵysy keletin azamattarǵa qoıylatyn talaptarǵa ózgerister engizdi:

— memlekettik tildi (qazaq tili) qarapaıym deńgeıde bilý — keminde 15 ball (buryn 36 ball bolatyn);
— Qazaqstan Respýblıkasynyń Konstıtýtsııasy negizderin bilý — keminde 20 ball (buryn 9 ball bolatyn);
— Qazaqstan tarıhyn bilý — keminde 15 ball (ózgerissiz).

Buıryq 2025 jylǵy 26 tamyzdan bastap qoldanysqa engiziledi. Jańartylǵan talaptarmen tolyǵyraq siltemege ótip tanysýǵa bolady. 

Eske sala ketsek, Qazaqstan azamattyǵyn alýdy jeńildetetin qujat jobasy talqylaýǵa bıyl shilde de shyǵarylǵan edi.