Qazaqstan azamattyǵyn alýdy jeńildetetin qujat jobasy talqylaýǵa shyǵaryldy

ASTANA. KAZINFORM — Ǵylym jáne joǵary bilim mınıstrligi Qazaqstan azamattyǵyn alǵysy keletin jáne qalpyna keltirgisi keletin sheteldikterge qoıylatyn memlekettik tildi bilý talabyn jeńildetetin buıryq jobasyn «Ashyq NQA» portalyna shyǵardy.

— Jobany qabyldaý Qazaqstan Respýblıkasynyń azamattyǵyn alýǵa úmitkerlerdi testileýdiń árbir páni boıynsha suraqtar sanynyń maksımaldy teń qatynasyn qamtamasyz etýge jáne shekti deńgeıdi 10%-ke tómendetýge múmkindik beredi, — dep jazylǵan qujattyń qabyldaýynan kútiletin nátıje týraly túsindirmesinde.

Qujattyń resmı ataýy — «Qazaqstan Respýblıkasynyń azamattyǵyna qabyldaý nemese azamattyǵyn qalpyna keltirý kezinde memlekettik tildi qarapaıym deńgeıde, Qazaqstan Respýblıkasy Konstıtýtsııasynyń negizderin, sondaı-aq Qazaqstan tarıhyn bilý kólemin bekitý týraly» buıryq. Osy buıryqtyń jańa redaktsııamen jazý usynylyp otyr.

— Qazaqstan Respýblıkasynyń azamattyǵyna qabyldaý nemese azamattyǵyn qalpyna keltirý kezinde memlekettik tildi qarapaıym deńgeıde 15 (on bes) baldan kem emes, Qazaqstan Respýblıkasy Konstıtýtsııasynyń negizderin 20 (jıyrma) baldan kem emes, sondaı-aq Qazaqstan tarıhyn 15 (on bes) baldan kem emes bilý kólemi bekitilsin, — delingen jańa redaktsııa jobasynda.

Eske salsaq, Májilis depýtaty Ermurat Bapı Reseıdiń kiretin sheteldikterdi elektrondy tirkeýden ótýge májbúrleıtin erejeniń Qazaqstan azamattaryna da qoldanylýyn «vızalyq rejım» dep baǵalaǵan edi.