Qazaqstan azamattarynyń jeke málimetterin satqan polıtseıler ustaldy
NUR-SULTAN. QazAqparat – Qazaqstan azamattarynyń jeke málimetterin satqan polıtseıler ustaldy. Bul týraly QR ІІM Ózindik qaýipsizdik departamentiniń bastyǵy Arman Sadanov aıtty, dep habarlaıdy QazAqparat tilshisi.
Onyń atap ótýinshe, Almaty qalalyq polıtsııa departamentiniń qazirgi jáne burynǵy qyzmetkeriniń qatysy bar qylmystyq top ustaldy. Polıtsııa qyzmetkerleri azamattyq tulǵalarmen ymyralasyp, vedomstvolyq aqparattyq bazany satýdy bızneske aınaldyryp alǵan.
«Jeke málimetter úshinshi tulǵalardyń qolyna túsip otyrǵan», - dedi departament bastyǵy.
Arman Sadanovtyń naqtylaı túsýinshe, atalǵan qylmystyq áreketke Almaty qalalyq polıtsııa departamentiniń qyzmet istep júrgen 2 qyzmetkeriniń jáne burynǵy 3 qyzmetkeriniń, bir azamattyq tulǵanyń qatysy bar ekendigi anyqtalyp otyr.
«Olardyń tikeleı bastyqtary qatań tártiptik jazaǵa tartyldy. Tipti laýazymynan bosatylǵandary da bar», - dedi ol.
