Qazaqstan azamattarynyń mıkroqarjy uıymdaryna 4,5 mln teńge zańsyz bereshegi esepten shyǵaryldy

ASTANA. QazAqparat – Qazaqstan azamattarynyń mıkroqarjy uıymdaryna 4,5 mln teńge zańsyz bereshegi esepten shyǵaryldy. Bul jaıynda Májilis depýtattarynyń saýalyna Qarjy naryǵyn retteý jáne damytý agenttigi tóraǵasynyń mindetin atqarýshy Nurlan Ábdirahmanovtyń jaýabynda aıtylǵan, dep habarlaıdy QazAqparat tilshisi.

«2022 jyldan bastap agenttikke jeke tulǵalardyń 132 joldanymyn jáne ishki ister organdarynyń 26 usynymyn qosa alǵanda, úshinshi tulǵalardyń jalǵan mıkrokredıtterdi resimdeýi máseleleri boıynsha 158 joldanym kelip tústi», - dep atap ótedi ol jaýabynda.

Onyń atap ótýinshe, agenttik barlyq joldanym boıynsha qujattamalyq tekserýler taǵaıyndady. Olardyń qorytyndysy boıynsha 9 mıkroqarajy uıymy boıynsha jazbasha nusqamalar túrinde shekteýli yqpal etý is-sharalary qoldanyldy.

«Mıkroqarjy uıymdary 46 mıkrokredıt boıynsha 4,5 mln teńge somaǵa zańsyz bereshekti esepten shyǵardy, sondaı-aq kredıttik tarıhqa túzetý júrgizildi. 23 mıkrokredıt boıynsha tergeý aıaqtalǵanǵa deıin jáne klıenttiń mıkrokredıt almaý faktisin rastaıtyn sot sheshimin alǵanǵa deıin syıaqy esepteý jáne shaǵym-talap jumystaryn júrgizý toqtatyldy», - dedi Nurlan Ábdirahmanov.