Qazaqstan azamattarynyń menshiginde 490-nan astam ıahta bar - senator

ASTANA. QazAqparat – Senat depýtaty Bekbolat Orynbekovtiń aıtýynsha, Qazaqstan azamattarynyń menshiginde 490-nan astam ıahta bar. Bul týraly ol salyq saıasatyndaǵy ózgeristerge arnalǵan dóńgelek ústelden keıin BAQ ókilderiniń suraǵyna bergen jaýabynda aıtty, dep habarlaıdy QazAqparat tilshisi.

«Sán-saltanat salyǵy máselesi jańa Salyq kodeksinde 3 baǵyt boıynsha baılanysqan. Onyń birinshisi – jyljymaıtyn múlik. Jańa ǵana aıtqanymdaı, shamamen elimizdiń 3,8 mln turǵynynda 6,8 mln jyljymaıtyn múlik nysany bar. Ekinshi másele – «sán saltanat» máselesi. Kólik boıynsha aıtsaq, quny 50 mln teńgeden asatyn kólikterge progressıvti shkala belgilenýi múmkin. Bizde Qazaqstan Respýblıkasy azamattarynyń menshiginde dep snalatyn 490-nan astam ıahta bar.

Úshinshi baǵyt araq-sharap ónimderimen baılanysty», - dedi senator.

Atalmysh dóńgelek ústelde Ulttyq ekonomıka vıtse-mınıstri Azamat Ámrın qazaqstandyqtardyń atyna tirkelgen jeke ıahtalar men ushaqqa qansha múlik salyǵy salynatynyn aıtqan bolatyn.