Qazaqstan azamattarynyń Kanadaǵa saparlaýyn jeńildetý máselesi qaralady - QR SІM
ASTANA. 13 qarasha. QazAqparat - Qazaqstan azamattarynyń Kanadaǵa saparlaýyn jeńildetý máselesi qaralady. Bul týraly búgin Astanada Kanada Syrtqy ister mınıstri Djon Berdpen kezdeskennen keıingi brıfıngte QR Syrtqy ister mınıstri Erlan Ydyrysov málim etti.
«Kezdesý barysynda eki el azamattary arasyndaǵy baılanystardy jeńildetý máselesin kóterdik. Biz kanadalyq tarapqa Qazaqstan azamattaryn Kanadaǵa saparyn jeńildetý jaǵdaıyn qarastyrýdy aıttyq»,-dedi E. Ydyrysov. Óz kezeginde Dj. Berd eki el azamattarynyń saparlaýyn jeńildetý máselesin kótergeni úshin Qazaqstan Prezıdenti men QR Syrtqy ister mınıstrligine alǵysyn bildirdi. «Men elge barǵan boıda osy máseleni jumystyń kún tártibine qoıamyn. Árıne, biz túrli sapalardy, onyń ishinde bıznes, bilim berý qarym-qatynastaryn jaqsartýǵa múddelimiz»,-dedi kanadalyq mınıstr.
