Qazaqstan azamattarynyń 40,21 paıyzy óz tańdaýyn jasap úlgerdi - QR OSK

ASTANA. QazAqparat - Qazaqstan azamattarynyń 40,21 paıyzy daýys berdi. Bul týraly búgin QR Ortalyq saılaý komıssııasynyń múshesi Marat Sársembaev málim etti.

«Oblystardyń, Astana jáne Almaty qalalarynyń saılaý komıssııalary usynǵan málimetterge sáıkes 2016 jylǵy 20 naýryz kúngi saǵat 12-degi jaǵdaı boıynsha tizimge engizilgen saılaýshylardyń 40,21 paıyzy saılaý bıýletenderin aldy», - dedi ol.

M.Sársembaevtyń derekterine sáıkes, onyń ishinde Almaty oblysy boıynsha - 57,67, Aqmola oblysy boıynsha - 48,45, Aqtóbe oblysy boıynsha - 34,3, Atyraý oblysy boıynsha - 45,2, Batys Qazaqstan oblysy boıynsha - 38,67, Jambyl oblysy boıynsha - 47,41, Qaraǵandy oblysy boıynsha - 41,57, Qostanaı oblysy boıynsha - 54,31, Qyzylorda oblysy boıynsha - 43,28, Mańǵystaý oblysy boıynsha - 31,41, Ońtústik Qazaqstan oblysy boıynsha - 33,02, Pavlodar oblysy boıynsha - 40,47, Soltústik Qazaqstan oblysy boıynsha - 48,1, Shyǵys Qazaqstan oblysy boıynsha - 45,83, Astana qalasy boıynsha - 32,33, al Almaty qalasy boıynsha 15,45 paıyzy daýys bergen.

«Daýys berý barlyǵy 9840 saılaý ýchaskesinde júrgizilýde», - dedi QR OSK múshesi.