Qazaqstan azamattaryna vıza rejimin engizedi degen aqparat negizsiz - Túrkııa Syrtqy ister mınıstrligi
ASTANA. QazAqparat - Aǵymdaǵy jyldyń 1 shildesinen 89 elge vızalyq rejim engizedi degen aqparat negizsiz. Bul týraly Túrkııa Syrtqy ister mınıstrliginiń resmı saıtynda habarlandy.
«Bizdiń azamattarymyzdyń Shengen vızasynan bosatylýyn qamtamasyz etý boıynsha Eýropalyq odaqpen kelissózder jalǵasýda. Úshinshi elderge qatysty bizdiń vızalyq saıasatymyzdy EO-men tolyqtaı teńestirý mindetti bolyp sanalady. Biz EO-ǵa Túrkııanyń tolyq quqyly músheligin oryndaýǵa tıispiz. Osyǵan oraı EO-ǵa vıza qajet elderge maýsymnyń 1-inen bastap Túrkııanyń vızalyq rejim engizý jospary týraly aqparat shyndyqqa janaspaıdy», - delingen habarlamada.
